Pista e Barcelonës është konfirmuar edhe një herë e mbarë prë Mercedes dhe Leëis Hamilton, që në Spanjë korri suksesin e pestë radhazi. Piloti britanik shfrytëzoi më së miri dy “pit stop” për të parakaluar në xhirot e fundit rivalin e tij kryesor për titull, Max Verstappen me Red Bull.

“Puna e madhe dhe e lodhshme e gjithë skuadrës po jep frutet e saj. Nisja e garës ishte e vështirë, pasi kishte shumë papastërti në pistë dhe Red Bull u nis mjaft mirë. Gjithsesi, strategjia që ndoqëm me gomat ishte ajo e duhura dhe pas ndalesës së dytë rikuperuam ndaj Max”, tha Hamilton.

“Nuk ishte kjo strategjia që kishim planifikuar, por e dinim që do të bënim dy ndalesa. Problem ishte se kur do të bëja ndalesën e dytë, pasi përvoja më thoshte se më një ndalesë nuk do t’ia dilja mbanë. Gjithsesi, e rëndësishme ishte fitorja dhe fakti që publiku u argëtua. Jam në formë dhe rezultatet e tregojnë”, tha Hamilton.