Në përgjigje të kritikave për shkelje të të drejtave të grave, në Katar po shkruhet historia. Për herë të parë në historinë e Kupës së Botës, një gjyqtare femër do të drejtojë një ndeshje.
Një nder që do t’i shkojë francezes Stephanie Frappart, e caktuar për ndeshjen delikate mes Kosta Rikës dhe Gjermanisë, ndeshje e grupit E, që do të luhet të enjten.
Frappart është një nga tri gjyqtaret femra nga 36 “bluza të zeza” të zgjedhura për Kupën e Botës në Katar dhe deri më tani asnjëra nuk ishte caktuar për të arbitruar një ndeshje në grup. Të tria, nga ana tjetër, kishin luajtur rolin e arbitres së katërt.
Megjithatë, këtë herë francezja do të jetë protagonistja kryesore e Kosta Rika-Gjermani. Sigurisht që nuk do të jetë një ndeshje e lehtë, me gjermanët që rrezikojnë eliminimin e pabesueshëm para kalimit në 16-she.