Në një intervistë dhënë për “Bleacher Report”, ylli kroat i Barcelonës, Ivan Rakitic është kthyer të flasë për disfatën fatale të pësuar edicionin e kaluar në Champions League përballë Liverpool.
“Ishte vërtetë e vështirë, shkatërruese. Duhet të kemi shumë respekt për Liverpool. Ky është futbolli, duhet të luftosh deri në minutën e fundit”.
Gjatë intervistës së tij Rakitic u ndal të flasë edhe mbi një rikthim potencial të Neymar te Barcelona.
“Do të më pëlqente ta kisha në skuadër. Ka nevojë që të vendosë atë që është më e mira për atë. Si mik, dua vetëm që të jetë i lumtur, sepse kur është i lumtur, ai është mes futbollistëve më të mirë në botë”, deklaroi Rakitic.