Ishte një sekret i hapur për pak më shumë se një muaj, por Borussia Dortmund njoftoi sot nënshkrimin e Abdoulaye Kamara. Po flasim për xhevahirin e shkëlqyer të PSG-së, 16 vjeç. Një mesfushor që i ka djegur etapat e rritjes dhe tashmë ishte thirrur në ekipin e parë parizien për ndeshjet e Champions-it. I riu nuk ka pranuar të qëndrojë në hije te PSG dhe ka vendosur “të vërë bast” për Borussia Dortmund. Klubi gjerman shquhet në përparësinë që iu jep talenteve.
#BVB verpflichtet Kamara
Borussia Dortmund hat zur neuen Saison Mittelfeldtalent Abdoulaye #Kamara verpflichtet. Der 16 Jahre alte Franzose wechselt ablösefrei und mit sofortiger Wirkung von Paris St. Germain zum deutschen Pokalsieger.
ℹ️ https://t.co/wLkWW07UPR pic.twitter.com/X3ZsDAf8Ar
— Borussia Dortmund (@BVB) July 20, 2021
Përkundër kësaj, PSG nuk dëshironte ta humbte Abdoulaye Kamara. Gjatë muajve të fundit është përpjekur me dëshpërim të rinovojë me lojtarin, por ishte e pamundur. Vendimi ishte marrë tashmë pasi Zorc dhe Kehl i kishin premtuar karrierë të sigurt në Dortmund. Francezi me rrënjë nga Guinea është shpallur zyrtarisht sot si blerje e Borussia Dortmund.
“Abdoulaye Kamara është një lojtar shumë i talentuar, ende shumë i ri, i cili është stërvitur rregullisht me profesionistët e PSG. Shpresojmë që tani të zhvillohet në përputhje me rrethanat në zonën e të rriturve dhe të bëjë hapin tjetër”, – shpjegon Kehl, përfaqësuesi i skautëve. Në Gjermani, Kamara është mbiquajtur “Bellingham i ri” për shkak të ngjashmërisë me anglezin që mbërriti te Dortmund.
