“I privilegjuari” Lewandowski çmend fansat me postimin e fundit

23 Tetor 2020
16:48
Denis Hakanaj

Këtë herë Robert Lewandowski nuk ka bërë të flitet për të për një gol ose një magji me Bayern Munich, por sepse ka bërë një postim me levën e Playstation 5.

Asgjë e keqe po të mos ishte për faktin se modeli i ri i Sony-t nuk ka dalë akoma zyrtarisht në treg. Siç shihet nga imazhet e publikuara nga sulmuesi polak, ai duket se po luan me Playstation 5, dalja zyrtare e së cilës është parashikuar për 19 nëntorin e ardhshëm.

Fotografia e publikuar në Instagram e Lewa-s ka shkaktuar shumë kuriozitet dhe zili mes adhuruesve të lojës së famshme. “Po pse e ka që tani?”, ka pyetur dikush.

“Ia kanë dhuruar, por nuk është e drejtë”, kanë shkruar të tjerë. “Lewandowski më parë, Lewandowski sot”, ka shkruar një tjetër, duke publikuar fotografinë e polakut teksa blinte një model të vjetër të Playstation vite më parë.

“Një i privilegjuar”, ka qenë një nga komentet e tjerë.

Domethënë, përveçse është një nga sulmuesit më të fortë në botë, nëse jo më i miri në këtë moment, është edhe mes të paktëve, nëse jo i vetmi me fat që ka provuar para të gjithëve modelin e ri të Sony-t.

 

 

 

Lajme të tjera

Lajmet e fundit