Disa muaj para fazës finale të Kampionatit Evropian, Zlatan Ibrahimovic mund të kthehet për të performuar me ekipin kombëtar suedez dhe mund ta bëjë këtë tashmë në fund të muajit, sipas mediave suedeze.

Kthimi i madh i Ibra-s, megjithatë, nuk është konfirmuar nga Federata.

“Sipas burimeve të ndryshme, Zlatan është thirrur tani për të marrë pjesë në ndeshjen kualifikuese të Kupës së Botës në 25 Mars kundër Gjeorgjisë”, thotë faqja e internetit e specializuar Footbolldirekt.

Sulmuesi, i cili ka bërë 116 paraqitje dhe ka shënuar 62 gola me fanellën e Suedisë, nuk e ka veshur fanellën e ekipit kombëtar që nga Euro 2016.

Në vjeshtë, Ibra i tha shtypit se i mungonte fanella e verdhë e përzgjedhjes suedeze.

Ibra, 39 vjeç, u takua trajnerin Janne Andersson për një diskutim “të frytshëm”, sipas Federatës Suedeze të Futbollit.

“Dialogu me Zlatan vazhdon,” tha zëdhënësi i Federatës Jakob Kakembo Andersson të shtunën, duke shtuar se lojtarët e përzgjedhur për lojërat e ardhshme do të shpallen në 16 Mars.

Pa Zlatan, Suedia arriti çerekfinalet e Kupës së Botës 2018 dhe u kualifikua direkt në Euro 2020, e shtyrë për në Qershor dhe Korrik 2021 për shkak të Covid-19.