Zlatan Ibrahimovic, sulmuesi i Milan-it, ka dhënë një intervistë për Sky pas humbje me Atalanta-n.
“Sot kanë munguar shumë gjëra. Tani është e rëndësishme të rikuperojmë dhe të presim ndeshjen e ardhshme”.
“Skuadra është pak e brishtë sepse mungojnë 4-5 titullarë dhe luajnë lojtarë që nuk kanë shumë eksperiencë dhe shumë ndeshje në Serinë A. Por ky nuk mund të jetë një justifikim, jemi të parët”.
– Jeni kampionë dimri.
“Nuk vlen për asgjë”.
– Si do t’ia përmirësoni humorin skuadrës?
“Kemi një ndeshje tjetër pas disa ditësh dhe kemi mundësinë të bëjmë më mirë se sot, sigurisht. Tani duhet të përgatitemi mirë”.
– Do të pëlqente të luaje me Ilicic?
“Kur i jep kohën, ai e ka shumë të lehtë të luajë. Sot kishte shumë kohë me topin në këmbë dhe ka bërë një ndeshje të madhe, mund të kishte bërë më shumë gola, ka qenë më i sjellshëm se duhet”.
– Çfarë i ke thënë Mandzukic-it?
“Nuk është një që flet shumë, duket. Kam provuar t’i jap mirëseardhjen në sllavisht, italisht, por kur Pioli e ka ftuar t’i thotë diçka skuadrës, ai ka refuzuar. Është një person shumë serioz, i përqendruar, dhe do hapësirën e tij”.
– Një përshëndetje për Conte-n?
“Përshëndetje Antonio. Shihemi të martën”.