Inter, ja shtatë lojtarët që do të thonë lamtumirë sot

22 Maj 2022
16:16
Denis Hakanaj
back button

Ndeshja e fundit e sezonit, më pas të paktën shtatë lojtarë të Inter-it do të thonë lamtumirë. Sipas La Gazzetta dello Sport, klubi zikaltër ka fiksuar si objektiv për sezonin e ardhshëm uljen e tavanit të rrogave me 15%.

E përditshmja prestigjioze italiane ka shkruar se shtatë lojtarët që do të largohen janë Vidal, Sanchez, Caicedo, Radu, Kolarov, Ranoçhia dhe Vecino.

Lamtumira e tyre do t’i kursejë klubit një shumë prej 35 milionë eurosh, që për një tavan rrogash të llogaritur në 150 milionë eurosh, vlen 23%.

Natyrisht nuk janë llogari përfundimtare, duke parë se lojtarët që do të largohen do të duhet të zevendësohen dhe se për Vidal dhe Sanchez do të përfitohet edhe një shumë parash.

Sulmuesi pëlqehet në Spanjë, Vidal është tashmë një hap larg Flamengo-s, Caicedo do të largohet, ndërsa Kolarov mund të ketë një rol në klub.

Vecino pritet nga Lazio e Sarri-t, Radu do të kërkojë një skuadër ku të ketë më shumë hapësira, ndërsa Ranocchia mund të ketë akoma një mundësi të vogël për të vazhduar me zikaltrit.

Lajme të tjera

Lajmet e fundit