Inter pritet të jetë një nga ekipet më aktiv në merkaton e verës, me zikaltrit që do të bëjnë disa ndryshime në ekip, duke nisur që nga mbrojtja.

Emri që po përflitet shumë së fundmi është ai i Emerson Palmierit. Mbrojtësi do të largohet nga Chelsea në fund të sezonit dhe me shumë gjasa do të rikthehet në Serie A, ku më parë ka luajtur për Romën.

Sipas “Gazzetta dello Sport”, Inter do të jetë ekipi që do të nënshkruajë me Emerson. Zikaltrit kanë mposhtur konkurencën e Juventusit dhe Napolit, të cilat gjithashtu ishin të interesuara për italianin.