Simone Inzaghi, trajneri i Interit, komenton humbjen kundër Real Madridit: “Duhej t’i kushtonim më shumë vëmendje. Na vjen shumë keq sepse patëm një lojë të shkëlqyer. Ekipi bëri shumë mirë në fushë. Le të vazhdojmë me idetë dhe konceptet tona , sepse ne mund të marrim kualifikimin”.

“Ne krijuam shumë shanse. Duhet thënë se gjetëm një portier që doli të ishte më i miri në fushë.

Për fat të mirë ne nuk do ta gjejmë gjithmonë Courtois, ai ishte shumë i mirë dhe në 2-3 raste e tejkaloi veten.

Jam shumë krenar për performancën, ka zhgënjim me rezultatin. Ne duhet të vazhdojmë të punojmë kështu, por me këto koncepte mund të shkojmë larg “.

Për zgjedhjen e sulmuesve: “Të dy sulmuesit kishin luajtur të dielën. Lautaro kishte një karton, nuk pashë rreziqe të mëdha dhe preferova ta mbaja Edin Dzeko në fushë. Ka keqardhje të madhe vetëm për rezultatin”.