Ish-presidenti i Barçës: Vetëm Messi është më i mirë se Neymar

29 Maj 2020
13:45
Alfred Lleshi
back button

Ish-presidenti i Barcelonës, Sandro Rosell, tha se do të përpiqej të nënshkruante me superyllin e PSG, Neymar, nëse do të mbante postin e dikurshëm, sepse ai është lojtari i dytë më i mirë në botë, pas Lionel Messi.

Braziliani u largua nga Blaugrana-t si transferim rekord botëror (222 milionë €) në vitin 2017, por nuk ka “ngjitur” si duhet te parizienët. 28-vjeçari nuk arriti të kthehet te kampionët e La Liga-s në fillim të sezonit 2019-2020, ndërsa raportohet se është përsëri objektiv merkatoje nga katalanasit.

Rosell ishte president, kur Barça nënshkroi me Neymar nga Santos në vitin 2013. Edhe tani, 56-vjeçari e vlerëson shumë ndërkombëtarin brazilian. “Nëse do të isha president i Barçës, do të përpiqesha të nënshkruaja me Neymar, – tha Rosell për COPE dhe “Radio Marca”. – Ai është lojtari i dytë më i mirë në botë, pas Messit, dhe përshtatet në mënyrë të përkryer me filozofinë e klubit”.

Neymar shënoi 13 gola në Ligue 1, para se kampionati francez të pezullohej për shkak të pandemisë së koronavirusit dhe të mbyllej përfundimisht para kohe, me PSG kampion.

Lajme të tjera

Lajmet e fundit