Jo vetëm mesazhi i Jude Bellingham. Edhe Marco Reus mori disa ditë pushim para se të kthehej për të folur me botën e Borussia Dortmundit dhe në veçanti me tifozët, pas zhgënjimit të zjarrtë për titullin e Bundesligës të humbur në ndeshjen e fundit të kampionatit.

Gjermani iu është drejtuar tifozëve me një lloj letre të hapur në Instagram: “Është e vështirë për mua të shpreh me fjalë mendimet, ndjenjat dhe emocionet tani. Në çdo rast, është absolutisht e rëndësishme për mua të them faleminderit!

“Ajo që na bëri familja BVB të shtunën, euforia, atmosfera rreth stadiumit, urimet më të mira të marra dhe të ndjera nga e gjithë Gjermania, është unike!!”, ka shkruar Reus duke iu referuar dashurisë së madhe që ka pasur nga ana e publikut pavarësisht zhgënjimit të madh.

“Dhe e gjithë kjo na tregon se sa të veçantë janë ky klub dhe tifozët e tij. Reagimi pas ndeshjes më tronditi emocionalisht. Isha pa fjalë dhe plotësisht i humbur në fillim.

“E di që më thirrët, por isha shumë i thyer në atë moment për të mirëpritur përqafimin tuaj. Megjithatë, me reagimin tuaj pozitiv më treguat se për çfarë ia vlen të luftosh.

“Po, dhemb, po ne kurrë nuk kemi qenë kaq afër fitores, por kushdo që më njeh mua, këtë klub dhe ju tifozët e BVB-së, e dinë që ne do të ngrihemi përsëri, do të vazhdojmë të punojmë dhe të luftojmë – ashtu siç ka bërë gjithmonë ky klub i madh!”.