Shtëpia e mesfushorit të Valencia-s Geoffrey Kondogbia është vjedhur teksa ai ishte duke luajtur në Europa League ndaj Villarreal të enjten që lamë pas.
Një komshi i lojtarit ka vënë re lëvizje të pazakonta në shtëpinë e tij dhe vendosi të njoftonte rojet e sigurisë.
Kur janë afruar rojet, tre njerëz janë hedhur mbi kangjella dhe u zhdukën përmes pistës së golfit.
Policia ka gjetur mjetet me të cilat kanë hyrë në shtëpi hajdutët. Kjo është hera e dytë që një lojtari të Valencia-s i vjedhin shtëpinë.
Në fillim të javës hajdutët kanë tentuar të hyjnë në shtëpitë e Gabriel Paulista-s, Ezequiel Garay dhe lojtarit të Villarreal Funes Mori, por nuk kanë arritur të vjedhin para.