Në një intervistë për BBC, tenisti britanik Andy Murray, ish-numri 1 në botë për meshkuj, ka folur për jetën jashtë këtij sporti. Murray u shpreh se në një moment të jetës së tij lojërat elektronike zinin shumë vend.

“Viedo-lojërat u kthyen në një problem shqetësues për mua dhe stafin tim, pasi kaloja shumë kohë duke luajtur. Ndonjëherë deri në orët e para të mëngjesit dhe kjo më pengonte në stërvitje”, tha Murray.

“E pranoj që krijova varësi ndaj tyre, por kjo gjë ndodhi deri në moshën 26-vjeçare e më pas situata u përmirësua”, u shpreh britaniku, fitues i 3 grand slam në karrierën e tij.