Çiklistët italianë bëjnë të tyren edhe etapën e tretë të edicionit nr.76 të Turit Çiklistik të Shqipërisë. 7 “azzurrë” u renditën në 7 vendet e para në përfundim të etapës Elbasan-Vlorë, 177km e gjatë. Një etapë e përshtatshme për sprinterët, duke qenë se terreni ishte më së shumti fushor.
Kjo bëri që të gjithë çiklistët të garonin në grup dhe në fund nisi një betejë e fortë sprinti, ku dominuan çiklistët e shtetit fqinj. Më i shpejti në finish u tregua Moreno Marchetti, që mbërriti i pari pas 4h29’43”. Në vendin e dytë e të tretë u renditën Marria Baldo dhe Simone Bevilacqua.
Çiklisti më i mirë shqiptar në këtë garë ishte Klidi Jaku, që u rendit i nënti (të 64-t çiklistët e përfunduan garën, nuk pati asnjë tërheqje). Gjithsesi, ky edicion i Turit Çiklistik vijon të komandohet nga Ylber Sefa i kombëtares së Shqipërisë (sot i 13-ti në finish, por me kohë të njëjtë me fituesin),që mban të vbeshur edhe fanellën e verdhë të liderit.
Nesër zhvillohet etapa e katërt, Vlorë-Sarandë, 123km e gjatë, një etapë që mund të vendosë fatet e turneut. Çiklistët do të përballen me maloren e fortë të Qafës së Llogarasë.
Itinerari i Turit të 76-të Çiklistik
Etapa I, Shkodër-Reps-Shkodër, 193km
1-Ylber Sefa, Shqipëria, 3h37’09”
Etapa II, Shkodër-Elbasan, 183km
1-Samuele Zambelli, Iseo Serrature, 4h29’43”
Etapa III, Elbasan-Vlorë, 177km
1-Moreno Marchetti, Neri Sottoli Selle, 4h29’43”
2-Mattia Baldo, Iseo Serrature Rime, “
3-Simone Bevilacqua, Neri Sottoli Selle, “
EtapaIV, Vlorë-Sarandë, 123km
Etapa V, Sarandë-Fier, 162km
Renditja e përgjithshme
1-Ylber Sefa, Shqipëria, 12h34’55”
2-Matic Veber, KK Bled Mix, +18”
3- Mirco Sartori, Iseo Serrature, +21”