Sfidat e luajtura sot në NBA konfirmuan krizën që po kalon skuadra e Houston Rockets, që u mund 118-91 nga Utah Jazz. Një ndeshje e dobët e ekipit teksan, që bashkë me Spurs janë zhgënjimi i këtij sezoni, deri më tani, duke pësuar humbjen e 13-të sezonale. Për Jazz u dallua Favors me 24 pikë e 10 rebound, duke e dominuar gjatë gjithë kohës ndeshjen.
Fiton edhe Portland, që mundi 108-86 Phoenix, një sfidë që ishte një formalitet për vendasit, që u shkëputën që në periodën e parë dhe e ruajtën epërsinë deri në fund. Lillard me 25 pikë e Layman me 24 bënë diferencën në fushë për ekipin vendës, që e meritoi fitoren.
Suksesi i 14-të sezonal për Boston, që mundi pa shumë probleme 128-100 New York, ndeshje që konfirmoi momentin e mirë e skuadrës së Celtics, që korri fitoren e katërt radhazi. U dalluan Irving me 22 pikë e Horford me 19 pikë e 12 rebound për ekipin vendës.
NBA – Rezultatet e sotme
Boston – New York, 128-100
Portland – Phoenix, 108-86
Utah Jazz – Houston, 118-91
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.
