Me më pak se dy javë para mbylljes së merkatos, mbrojtësi i krahut Marcelo mbetet pa klub, pasi lidhja e tij me Real Madridin i erdhi fundi ne fund te sezonit te shkuar dhe pasi festoi si La Liga ashtu edhe Champions .
Sipas shtypit spanjoll, 34-vjeçari brazilian ka marrë oferta nga Franca, Spanja, Turqia dhe Brazili, por nuk ka pranuar asnjë. Mbrojtësi i majtë paguhej tetë milionë euro në sezon te Real Madrid, por do të jetë në dispozicion për ta ulur atë pagë.
Ekziston edhe mundësia e përfundimit të karrierës nëse asnjë propozim nuk është interesant. Kjo do te ishte sigurisht ideja e fundit e tij qe pret fundin e merkatos dhe per te pare se cfare do t’i ofrohet.
Marca shkruan: “Më pak se dy muaj pas largimit nga Real Madrid, Marcelo është më afër pensionimit sesa vazhdimit të karrierës së tij të jashtëzakonshme si futbollist. Pas largimit nga Estadio Santiago Bernabeu me tre tituj në sezonin 2021-22, braziliani nuk është bindur nga ofertat nga Katari apo MLS, ndër të tjera.
Kjo do të thotë se mundësia e pensionimit është e fortë në të ardhmen e afërt të lojtarit me më shumë tituj (25) në historinë e Real Madridit. Cila është situata aktuale e Marcelos? Marcelo prej kohësh po përgatitet për jetën pas futbollit, duke hedhur themelet për një karrierë si biznesmen.
Tani, ndërsa karriera e tij profesionale e futbollit po i vjen fundi, ai mund të përqendrohet në interesat e tij jashtë fushës. Marcelo aktualisht zotëron dy klube, Azuriz nga braziliani Campeonato Paranaense dhe Mafra nga divizioni i dytë portugez.
Ai e bleu të parën në vitin 2017 dhe së fundmi nisi një aventurë evropiane, ndërsa Mafra i përket të njëjtit grup me të parën dhe konsiderohet nga Marcelo si ura ideale midis tregjeve braziliane dhe evropiane.
Sa i përket Azurizit, ideja e Marcelo dhe partnerëve të tij është të promovojnë strukturën e tij stërvitore, një fushë në të cilën ish-lojtari i Real Madrid tashmë ka përvojë të dukshme falë projektit të tij ‘Campus 12’.
‘Campus 12’ është një nismë që në bashkëpunim me kunatin e tij, Caio Alves, e zhvillon me sukses prej disa kohësh dhe që përfaqëson një tjetër aktivitet biznesi të Marcelos.
Nga tre lojtarët e Madridit që përfunduan kontratat e tyre më 30 qershor, Marcelo ishte i vetmi që pati një lamtumirë institucionale që përputhej me karrierën e tij. Dy të tjerët, Gareth Bale dhe Isco Alarcon, kanë gjetur tashmë destinacione (përkatësisht Los Angeles FC dhe Sevilla), ndryshe nga Marcelo, i cili në çdo rast e di se dyert e Madridit do të jenë gjithmonë të hapura për të.
Një rikthim eventual në klub si ambasador apo përfaqësues institucional është gjithashtu në planet e ardhshme të Marcelos dhe nuk mungojnë stimujt profesional për të nëse, siç duket, përfundon duke i varur këpucët këtë verë.
