Presidenti i Shteteve të Bashkuara të Amerikës, Joe Biden, ka qenë shumë entuziast për kualifikimin e Amerikës në fazën tjetër të botërorit Katar 2022. Një kualifikim që u arrit pas fitores 1-0 që Amerika arriti ndaj Iranit, në ndeshjen e fundit në grup.
Nga Bay City në Michigan, ku ndodhej, presidenti amerikan tha: “Amerika 1, Irani 0. Ndeshja ka përfunduar”.
“USA, USA! Çfarë ndeshje e madhe. Kur fola me trajnerin dhe lojtarët u thashë se mund ty’ia dilnin mbanë. Dhe ia dolën mbanë të fitojnë ndaj Iranit dhe të kualifikohen. I dua shumë” u shpreh më tej kreu i Shtëpisë së Bardhë.
Pak ditë më parë, para se të niste aventura e Amerikës në botëror, Joe Biden kreu një bisedë telefonike me skuadrën, duke i karikuar. Dhe skuadra ia shpërbleu, duke zënë vendin e dytë në grup.
.@POTUS congratulated Team USA on their World Cup win today. Go USA! pic.twitter.com/djzyi0fsjw
— Karine Jean-Pierre (@PressSec) November 30, 2022