Një mundës, kampion bote, e anuloi dasmën e tij në mes, pasi mysafirët morën papritmas mesazhe telefonike, duke pretenduar se nusja e tij ishte një “zonjë miliarderi”, pra eskortë. Me 500 të ftuar në dasmën e Zaurbek Sidakov dhe Madina Pliyeva, gjithçka kishte shkuar mirë para se telefonat e të ftuarve të fillonin të gumëzhinin. Mesazhe të çuditshme dhe një video erotike e nuses mbërritën papritur në telefonat e mysafirëve. Ato e vinin nën akuzë nusen si eskortë e të pasurve, duke treguar edhe foto “hot” të saj. Ka dyshime se videoja dhe fotot u shpërndanë nga gruaja e pakënaqur e një manjati (miliarderi), që është dashnori i saj i supozuar. Ajo e gjeti materialin komprometues në telefonin e burrit, sipas një burimi.
Zaurbek Sidakov, 24 vjeç, një mundës, kampion bote, për shkak të përfaqësimit të Rusisë në Lojërat Olimpike 2020, para se ato të shtyheshin për shkak të Covid-19, thuhet se e tërhoqi gruan e tij prej flokësh, duke i kërkuar llogari se i kishte fshehur gjëra kaq të rëndësishme. Nusja nuk ka komentuar mbi pretendimet, por të qenit eskortë është kundërshtuar fuqimisht nga miqtë e saj. Mesazhet u shpërndanë ndërsa çifti ishte në ditën e dytë të një martese tradicionale osiane, në rajonin e Kaukazit të Veriut, me miqtë e saj dhe të dhëndrit, duke hedhur në erë dasmën, teksa po kërcehej një valle tradicionale.
Pasi pa videot dhe fotot “hot” të gruas së tij të re, mundësi i lirë, Sidakov, menjëherë e kapi për flokësh atë dhe e zboi nga mysafirët, thanë dëshmitarët. Ai e la të qante në dysheme, ndërsa dasma ishte anuluar. Nusja u dërgua më vonë në spital nga miqtë dhe familja e saj dhe tani thuhet se fshihet në Moskë. Babai i saj pësoi një atak kardiak, në vazhdën e skandalit të dasmës, sipas raportimeve. Miqtë e dhëndërit duhej ta merrnin atë nga festa për të mos bërë asgjë të nxituar.
Pretendimet për nusen thuhet se ishin surprizë e hidhur për të. Videot dhe fotot mbërritën nëpër celularë pasi mysafirët i kishin bërë dhuratat e martesës, me vlerë më shumë se 80.000 dollarë. Një mysafir tha: “Ndoshta në një situatë më pak të ndezur, reagimi nuk do të ishte aq ekstrem. Dhëndri reagoi për të shpëtuar dinjitetin e vet nga poshtërimi i gruas para miqve të tyre, ndaj anuloi dasmën në mes. Miqtë e nuses kundërshtojnë me forcë që ajo kishte punuar si eskortë.
Ata do të martoheshin ligjërisht me një dasmë të madhe, por burri nuk kishin ditur asgjë të tillë për jetën e saj të kaluar, pasi ishin takuar vetëm në fund të prillit. Një burim tha: “Ajo është nga një familje e pasur. Rezulton se nusja kishte qenë e dashuruar me një burrë të martuar dhe disa miq të saj e dinin këtë fakt. Sidoqoftë, kishin pasur lidhje tri vite më parë. Edhe videot e postuara për mysafirët e dasmës janë të tri viteve më pare, gjithashtu”. Raportet thonë se nusja kishte qenë eskortë e një miliarderi rus, rreth të 60-tave.