Ai e përjetoi në lëkurë e tij magjinë e “Highbury” me Arsene Wenger në stolin e Arsenal: mjaftueshëm për t’u bërë një legjendë e “Gunners”. Ish-mesfushori Emmanuel Petit do të ishte gati të hidhej në zjarr për trajnerin dhe shokët e tij të skuadrës në atë atë periudhë. Me pak fjalë, një histori plotësisht e ndryshme nga ajo e…Alexis Sanchez!
Sipas asaj që raporton “The Mirror”, francezi ka goditur sulmuesin e Manchester Unuited menjëherë pas ndeshjes së madhe mes “Djajve të Kuq” dhe “Topçinjve” në Premier League. Është e vështirë të mos i japësh të drejtë francezit. Qëkur ka shkuar tek United, kiliani ka shënuar vetëm 3 gola në 22 ndeshje në Premier League.
Për Emmanuel Petit, kampion bote me Francë-n në 1998-ën, profesionalizimi dhe lidhja me fanellën vijnë para çdo gjëje. “E kuptoj se lojtarët besojnë se e meritojnë të paguhen mirë kur arrijnë një nivel të lartë, por ajo që kemi parë nga Sanchez tek United nuk është e pranueshme”.
Me pak fjalë, që nga momenti i transferimit të tij në “Old Trafford”, kiliani ka marrë shumë më tepër në krahasim me atë që ka dhënë në fushën e lojës: “Donte të largohej nga Arsenal, sepse nuk mund të merrte pagën që i garantonte United. Tani fiton shumë para dhe çfarë ka bërë në nëntë muaj? Nuk kam parë asgjë, mendoj se ishte i vëllai ai që firmosi kontratën”.
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.
