Klubi zvicerian, Zurich, është kthyer në një vatër epidemie në Zvicër pasi plot 9 pjestarë kanë rezultuar pozitiv me Covid-19, teksa i pari që u verifikua ishte shqiptari Mirlind Kryeziu, edhe pse ka dyshime të ketë qenë ai pacienti “zero” në skuadër.
Janë plot gjashtë futbollistë dhe presidenti Ancillo Canepa që pas tamponit kanë rezultuar të prekur nga koronavirus pas ndeshjes së zhvilluar gjatë javës me Neuchatel Xamax. Vazhdimi i Super League zviceriane është në rrezik dhe nëpërmjet “Blick”, presidenti i Sion ka kërkuar mbylljen e kampionatit.
“Kampionati duhet të mbyllet menjëherë! Shtyrja e Zurich-Sion dhe Basel-Zurich krijon problem jo lehtë të kalueshëm. Kemi vendosur Kupën e Zvicrës në gusht sepse në nivel mjekësor nuk mund të luhej çdo 2 ditë”.
“Pra, si do të rikuperojmë ndeshjet? Kjo duke ditur se UEFA kërkon që kampionatet të mbyllen brenda 3 gushtit dhe në 5 gusht Basel luan edhe Europa League”.
