Karl-Johann Johnsson do ta mbajë mend për një kohë të gjatë ndeshjen e Europa League kundër Manchester United.
Jo vetëm sepse skuadra e tij ka shkuar shumë afër eliminimit të Djajve të Kuq, por kryesisht për paraqitjen e tij rekord.
Portieri i Copenhagen, në fakt, ka qenë autor i disa pritjeve që e kishin bllokuar ndeshjen në 0-0, duke e çuar deri te koha shtesë.
Megjithatë, në fund, një penallti e Bruno Fernandes ka prishur ekuilibrat, duke eliminuar danezët nga kompeticioni. Gjithsesi, tani e gjithë vëmendja është te portieri, i cili shpreson te një telefonatë nga një ekip i madh.
Karl-Johan Johnsson shocked the World against Manchester United pic.twitter.com/bmw6VrjQyP
— dikobrown (@dikobrown) August 11, 2020
13 pritje, rekord absolut në Europa League.
Asnjë portier, në fakt, nuk kishte arritur të bënte më mirë në Europa League që nga viti 2009-të.
Dhe pas një paraqitje të tillë, ai ka marrë urimet për të ardhmen nga një legjendë si Robin van Persie, i cili ka thënë për BT Sport:
“Duhet të jetë ndeshja më e mirë që ka bërë në karrierën e tij. Ndeshja e jetës. A mund t’i ndryshojë jetën kjo ndeshje? E shpresoj për të. Mund të jetë protagonist i një transferimi te një skuadër e madhe”.
