Sergio Reguilon mori për herë të parë ftesë për në kombëtaren e Spanjës dhe siç e do tradita çdo lojtarë i ri duhet të këndojë një këngë në grumbullimin e tij të parë.

Mbrojtësi i Real Madrid zgjodhi këngën e Nyno Vargas me titull “Soy yo” (jam unë). Një këngë romantike që e interpretoi në mënyrë të shkëlqyer edhe falë zërit të tij që tërhoqi vëmendjen e të gjithë lojtarëve dhe stafit të Spanjës, që normalisht e përgëzuan me brohoritje.