David Alaba do të largohet nga Bayern Munchen. Austriaku dëshiron që të provojë një aventurë të re, ndërsa në krahun tjetër gjermanët nuk duan ta humbasin mbrojtësin e majtë. Agjenti i lojtarit ka folur me drejtuesit e klubit dhe i ka shtangur ata me kërkesat e tij për të rinovuar kontratën.

Ai u ka kërkuar drejtuesve të Bayernit se nëse duan të rinovojnë me të duhet ta paguajnë 20 milionë euro në vit. Një shifër e çmendur dhe shumë e madhe dhe për një klub milioner si kampionët e Gjermanisë.

Austriaku nga krahu tjetër luan me çmimin sepse ka pas vetes dhe dy klube gjigantë si Manchester City dhe PSG. Anglezët dhe francezët e presin me krahë hapur, me trajnerin Pep Guardiola që do të punojë sërish me të.