Çështja Joshua Kimmich po shkakton shumë debate në Gjermani.
Lojtari i Bayern Munich është kundër vaksinës dhe është infektuar përsëri me Covid-19.
Rasti i tij po përçan opinionin publik. Nuk kanë munguar kritikat kundrejt mesfushorit gjerman. Mes atyre që e kanë dënuar zgjedhjen e tij është edhe ish-sulmuesi i Bayern, Mario Gomez.
“Stadiumet janë plot sepse 70-80% e personave janë vaksinuar. Nga kjo përfiton edhe ai. Nëse të gjithë do të silleshin si ai, do të luanim edhe një vit tjetër pa spektatorë”, ka thënë Gomez për Bild.
