Ronald Koeman dha një intervistë për “Esports 3”. Ish-trajneri i Barcelonës analizon kohën e tij në “Camp Nou” dhe situatën aktuale të skuadrës së Xavi.
Jeta aktuale – “Udhëtoj shumë, kaloj më tepër kohë me familjen…”
I çliruar – “Të largohesha nga Barcelona ishte pak çlirim. Ishte një kohë e vështirë për klubin, pa president, me dyshimet e Laportës për trajnerin… Bëra një përpjekje, u largova nga kombëtarja. Do ta bëja përsëri për Barcelonën. Nuk jam penduar për këtë”.
Përbuzja e Laportës – “Si president, gjithmonë mund të kesh dyshime. Por nëse ia thua publikut, të gjithë dyshojnë. Ishte një gabim i madh nga ana e tij”.
Stili i lojës – “Unë jam në favor, si trajner, të dominimit me lojë. Një sistem me tre qendërmbrojtës nuk është mbrojtës. Barça jeton me të kaluarën, me “tiki taka”. Futbolli është më i shpejtë dhe më teknik. Nëse keni Xavi , Iniesta, Messi… Pastaj, largimi i Messit ishte një goditje e madhe”.
Pedri – “Më i riu, është e ardhmja e klubit. Barcelona është me fat që ka një lojtar i tillë. Nuk e kisha njohur më përpara. Ai është një lojtar mbresëlënës, pavarësisht moshës së reë. Të rinjtë janë e ardhmja e klubit. Pedri, Nico, Gavi…”
Problemet – “Unë mendoj se në Valencia ishte më keq, kishte më shumë probleme me dhomën e zhveshjes, të lojtarëve me presidentin Soler. Te Barcelona dhoma e zhveshjes nuk ishte kurrë problem. Asnjëherë. Nga 24 ose 25 lojtarë ka gjithmonë disa që nuk janë të lumtur. Në përgjithësi, dhoma e zhveshjes nuk ishte kundër trajnerit. Ne punuam mirë. Problemi ishte kur erdhi Laporta. Një president ose një drejtor teknik mund të dyshojë tek trajneri. Problemi është se doli në shtyp. Ju nuk mund të flisni në media, si president, për trajnerin. Unë kurrë nuk do ta bëja këtë. Tregoj fytyrën time dhe shkoj përpara”.
Messi – “Shkova në shtëpinë e tij, e kuptova, më tha gjëra private… Më interesonte që të vazhdonte. Është diçka shumë e fortë ta shohësh atë me një fanellë tjetër. Nuk kam ankesa rreth tij”.
Dembele – “Ai është një lojtar i rëndësishëm, por duhet të përmirësojë efektivitetin. Nuk e kuptoj pse negociatat zgjasin kaq gjatë. Lënia e tij në tribunë është çështje klubi, jo një çështje e trajnerit. Këto janë gjëra të klubit, për të cilat duhet të marrë vendim”.
Frankie de Jong – “Ai dëshiron të vazhdojë te Barça. Nuk e di nëse Barça dëshiron ta shesë atë, apo nëse i duhen paratë. Ai dëshiron të vazhdojë te Barça. Ndoshta nuk përshtatet plotësisht për shkak të një problemi pozicioni. Ai pati një moment, në janar dhe shkurt, kur luajti ndeshje të shkëlqyera. Është një lojtar i madh, por situata e Barcelonës mbetet e komplikuar”.
Gavi – “Është e ardhmja, por secili lojtar ka çmimin dhe rrogën e tij. Duhet të gjesh një ekuilibër”.
Lewandowski – “Kam dyshimet e mia për të paguar 50, 60 milionë euro për lojtarin…, përveç pagës, për dikë që është 35 vjeç. Kam dyshime”.
Koundé – “Më pëlqen shumë, e donim, por nuk kishte para për të nënshkruar me të. Ai është një qendërmbrojtës i mrekullueshëm. Është 24 vjeç. Me Araujo dhe disa të tjerë ai është e ardhmja”.
Top-formacioni i tij – “Zubizarreta, Alves, Puyol, Mascherano, Jordi Alba, Xavi, Neeskens, Iniesta, Messi, Cruyff dhe Stoichkov. Mungojnë shumë Maradona dhe Guardiola…, por kam kërkuar një ekip të mirë me karakter”.
