Sebastiano Esposito është një nga risitë më të bukura të fazës së parë të sezonit të Inter-it të Antonio Conte-s.
Sulmuesi 17-vjeçar i zikaltërve po djeg etapat e një karriere që parashikohet të jetë e shkëlqyer. Ai po bën paraqitje mbresëlënëse edhe me kombëtaren U19 të Italisë.
“Kam realizuar një nga ëndrrat e mia më të mëdha duke u bërë pjesë e skuadrës së parë të Inter-it. “Falënderoj klubin dhe kombëtaren që ka patur gjithmonë besim tek unë. Jam i gëzuar”, ka thënë Esposito për Rai Sport.
“Fakti që Conte më konsideron një titullar më bën të ndihem mirë, por unë tani mendoj për kombëtaren dhe qëndroj me këmbë në tokë”.