Memphis Depay, sulmuesi i Lyon, të cilit i skadon kontrata dhe së fundmi është vendosur në fokusin e Milan dhe Barcelona, ​​ka postuar një mesazh në rrjetet e tij sociale në të cilin sqaron të ardhmen e tij:

“Ka ardhur koha që unë të marr kontrollin e karrierës time.

Kam ardhur në një pikë ku duhet të bëj zgjedhje të rëndësishme për të ardhmen time dhe për këtë arsye kam vendosur të negocioj kontratat e mia të ardhshme së bashku me një ekip njerëzish që kam besim, të mbështetur nga një ekip ligjor.

Destinacioni im i ardhshëm do të caktohet nga unë dhe ju do të jeni të parët që do ta dini”.

Për shumë media, në fakt, destinacioni quhet Barcelona dhe madje avokatët e tij janë duke negociuar prej ditësh.