Kosova humbet Valon Berishën, i dëmtuar edhe një titullar

18 Mars 2019
16:43
back button

Nuk ka vetëm Shqipëria probleme para ndeshjeve kualifikuese për Euro 2020, sepse edhe Kosova është në një moment jo fort pozitiv, edhe pse ka aq shumë alternativa saqë nuk mund të ankohet.

Trajneri Bernard Challandes ka konfirmuar se mesfushori Valon Berisha është i dëmtuar dhe nuk do të jetë në dispozicion të Kosovës për ndeshjet e radhës, miqësoren kundër Danimarkës më 21 mars dhe kualifikuesen kundër Bullgarisë më 25 mars.

Berisha ka pasur probleme fizike kohët e fundit dhe Lazio ka vendosur të mos rrezikojë, duke njoftuar edhe Kosovën që mesfushori duhet të qëndrojë në Romë për kura.

Ndërkaq, trajneri zviceran i Kosovës Kosovës konfirmoi se mesfushori i Lazios do të zëvendësohet nga mesfushori i Sëansea City, Bersant Celina.

Problem madhor për Challandes është edhe dëmtimi i Hekuran Kryeziut, sepse mesfushori nuk do të luajë në miqësoren ndaj danezëve, por shpresohet të jetë gati për javën e ardhshme.

Lajme të tjera

Lajmet e fundit