Kosova ka rrëmbyer sot medaljen e dytë të artë në Lojërat Olimpike “Tokio 2020”, sërish në sportin e xhudos. Sportistja Nora Gjakova fitoi medaljen e artë në peshën -57kg, pas fitores në finale ndaj francezes Sarah Leonie Cysique.
Nora Gjakova i fitoi të katërta duelet e zhvilluara sot në turneun olimpik, duke shkëlqyer me paraqitjen e saj dhe e meritoi medaljen e artë. Dy ditë më parë, Kosova fitoi medaljen e artë me xhudisten tjetër Distria Krasniqi.
Kjo është pjesëmarrja e dytë e Kosovës si shtet në një Olimpiadë dhe në të dyja edicionet ka arritur të fitojë medalje ari. 5 vite më parë, në “Rio 2016” (Brazil), ajo që shkëlqeu ishte Majlinda Kelmendi, sërish në sportin e xhudos, ku mori medalje ari.
Festë e madhe për xhudisten kosovare pas triumfit, në lot gëzimi për këtë medalje, duke konfirmuar se ku sport është elitar në këtë vend.
HISTORIKEEEEEE: MEDALJA E DYTË E ARTË, E TRETA NË PËRGJITHËSI
Edhe një medalje. Edhe një e artë. E dyta në Lojërat Olimpike Tokio 2020, e treta në dy Olimpiada.#Tokyo2020 pic.twitter.com/d49iiJfNjk
— NOC KOSOVO 🥇 (@NOCKOSOVO) July 26, 2021