Mbrojtësi i Juventus-it, Matthijs De Ligt, ka folur nga grumbullimi me Holandën për Nos Voetbal. Pak fjalë, por të rëndësishme, në lidhje me momentin që po kalon me bardhezinjtë dhe kombëtaren.
Qendërmbrojtësi i ri ka folur për kritikat që ka marrë, por edhe për paraqitjet e fundit në të cilat ka qenë protagonist edhe duke shënuar:
“Kritikat? Ka qenë vetëm një moment. Kam luajtur një ndeshje të bukur kundër MIlan-it dhe kam shënuar golin e fitores në derbin e Torino-s. Duhet të them se ka qenë shumë bukur dhe jam gëzuar shumë”, ka thënë De Ligt.
“Konkurrenca me De Vrij? Është një luftë e madhe me Inter-in në kampionat, por këtu te Holanda e shikoj si mik. Nëse duhet të luajë ai, e pranoj. Dhe nëse duhet të luajë unë, ai e pranon. Jemi shpesh bashkë. Më pëlqen të kem dikë me të cilin mund të flas”, ka përfunduar holandezi.
