Tottenhami do të kalojë pa luajtur në EFL Cup. “Spursat” nuk do të luajnë me ekipin e League Two sepse disa nga futbollistët e kundërshtarëve janë pozitivë me COVID-19.
Drejtuesit e Federatës kanë vendosur që të kalojnë në raundin tjetër Tottenhamin pa luajtur, sepse nuk kanë data të tjera të lira për të shtyrë takimin shkruan Football Insider.
Një lajm i mirë ky për trajnerin Jose Mourinho, pasi portugezi u ankua për kalendarin e ngjeshur. Djemtë e tij do të pushojnë dhe do të jenë gati për ndeshjen kundër Shkëndijës së Tetovës në Europa League.