Drejtimi i marrë nga futbolli europian është i qartë. Për klubet italiane është e ngutshme të vazhdojmë të mbajnë hapin e më të mëdhenjve të kontinentit, gjithmonë më i pasur se pjesa tjetër e klubeve, të cilët nuk mund të mburren me numra rekord, në lidhje me buxhetin. Si çdo vit, raporti i “Deloitte Football Money League” ndihmon në sqarimin e të ardhurave (duke mos përfshirë ato që lidhen me merkaton, të ashtuquajturat fitime kapitale) të klubeve të futbollit. Këtu llogariten të ardhurat e stadiumit (nga biletat), të drejtat televizive dhe aktivitetet tregtare për sezonin 2018-2019.
Në vend të parë pozicionohet Barcelona, që për herë të parë në histori tejkalon 800 milionë (840.8) euro të ardhura. Një rritje që iu ka mundësuar blaugrana-ve të përmirësojnë vendin e tretë të sezonit 2016-2017 dhe të dytin e sezonit 2017-2018. Katalanasit ndiqen nga Real Madridi (757.3 milionë euro) dhe Manchester United (711.5). I pari klub italian në këtë renditje është Juventusi (459.7 milionë euro), i cili hyn në “top 10”, pas vendit të 11-të vitin e kaluar. Bardhezinjtë drejtohen nga faktori “Cristiano Ronaldo”, një markë e gjallë, që ka kontribuar jashtëzakonisht shumë në rritjen e të ardhurave tregtare të “Zonjës së Vjetër”.
Klubi i dytë italian është Interi, i vendosur në vendin e 14-të (364.6 milionë euro) dhe me + 30% rritje, krahasuar me studimin e mëparshëm. Një “bum” nga Suning. Roma (231) është e 16-ta me -8% të ardhura, Napoli (207.4) e sheh veten në vendin e 20-të. Interesant është fakti se për të katër klubet italiane në këtë renditje, të ardhurat e stadiumit përbëjnë vetëm 14% të totalit, një aspekt mbi të cilin duhet të përmirësohet Serie A, në mënyrë që të aspirojë një nivel më elitar.
Më poshtë është renditja e plotë:
1. Barcelona (840.8 milionë euro)
2. Real Madrid (757.3)
3. Manchester United (711.5)
4. Bayern Munich (660.1)
5. PSG (635.9)
6. Manchester City (610.6)
7. Liverpool (604.7)
8. Tottenham (521.1)
9. Chelsea (513.1)
10. Juventus (459.7)
11. Arsenal (445.6)
12. Borussia Dortmund (377.1)
13. Atletico Madrid (367.6)
14. Inter (364.6)
15. Schalke 04 (324.8)
16. Roma (231)
17. Lyon (220.8)
18. West Ham (216.4)
19. Everton (213)
20. Napoli (207.4)
