Ka përfunduar faza e grupeve e vlefshme për Kupën e Shqipërisë në volejboll për femra. Pas ndeshjeve të fundit, janë përcaktuar 8 skuadrat çerekfinaliste, që avancojnë më tej. Në çerekfinale kanë shkuar 4 ekipet e para të çdo grupi.
Në fakt, ka mbetur edhe një ndeshje e prapambetur (Flamurtari-Vllaznia, 19 janar), por që nuk ndikon në renditjen përfundimtare, pasi shkodranet janë kualifikuar, ndërsa vlonjatet jo.
Tetë skuadrat çerekfinaliste janë: Skënderbeu, Partizani, Vllaznia e Teuta (Grupi A) si dhe Tirana, Barleti Volley, Lushnja e Elbasani (Grupi B). Faza çerekfinale do të luhet me sistem vajtje-ardhje, duke nisur nga data 21 janar.
Grupi A – Java e 7-të
Mirdita – Skënderbeu, 0-3
Club Albania – Vllaznia, 1-3
Teuta – Partizani, 0-3
Renditja: Skënderbeu 17 pikë, Partizani 16 pikë, Vllaznia 9 pikë, Teuta 9 pikë, Club Albania 6 pikë, Flamurtari 3 pikë, Mirdita 0 pikë.
E prapambetur
Flamurtari – Vllaznia, 19/1
Grupi B – Java e 5-të
Korabi – Tirana, 0-3
Lushnja – Barleti Volley, 0-3
Apolonia – Elbasani, 2-3
Renditja: Tirana 15 pikë, Barleti Volley 12 pikë, Lushnja 9 pikë, Elbasani 5 pikë, Korabi 3 pikë, Apolonia 1 pikë.
