Pas fitores ndaj Bayer Leverkusen, trajneri i Interit Antonio Conte foli për Sky Sport tepër i lumtur nga paraqitja e ekipit dhe arritja e objektivit gjysmëfinale: “Ka kënaqësi të madhe nga unë dhe nga lojtarët sepse kemi luajtur një ndeshje shumë të mirë. Nuk i lamë të luanin”.

“Urime për djemtë sepse ata dhanë gjithçka që tregojnë dëshirën që ajo që ata po bëjnë është e rëndësishme. Tani ne kemi mundësinë të luajmë për një gjysmëfinale dhe duhet të jemi të lumtur, por në të njëjtën kohë duhet të mendojmë për kundërshtarin tjetër nga e nesërmja”.

“Lukaku? Vështirë të flasim për individë kur sheh performancë të tillë nga i gjithë ekipi! Romelu po zhvillon një sezon të mrekullueshëm të mbështetur nga ekipi. Nëse ekipi luan kështu, shfaqen edhe individualitete. Të kesh sulmues me karakteristika të caktuara si Lukaku, Martinez dhe Sanchez është e rëndësishme. Romelu duhet të falënderojë skuadrën sepse e vendos atë në pozitë të shprehet në maksimum, mbase ashtu siç nuk e ka shprehur kurrë veten”.