Laçi kërkoi të përforcohej me ish-mbrojtësin e Llapit, Ilir Blakçori. Ky i fundit u largua në verë nga skuadra e Llapit e drejtuar nga Tahir Batatina, pasi nuk gjeti gjuhën e përbashkët për të rinovuar.
Ekipi kurbinas ishte i interesuar për të nënshkruar me të, por nuk ia doli, pasi Drita e ka bindur Blakçorin. Mbrojtësi e pranoi vetë diçka të tillë në një prononcim për "GazetaOlle.com" në Kosovë.
"Kam pasur oferta të shumta nga ekipet e Superligës, po ashtu edhe nga Laçi. Mirëpo karrierën besoj se do ta vazhdoj te Drita”, – ka treguar Blakçori.