Lajm i bujshëm vjen nga Anglia, ku prestigjozet “Telegraph” dhe BBC, kanë zbuluar pak më parë se në mbledhjen që është zhvilluar ditën e sotme mes përfaqësuesve të klubeve të Premier League dhe Ligës angleze të futbollit, u vendos që të mërkurën në datën 17 qershor, Premier League do të rinisë zyrtarisht.
Programi parashikon dy ndeshjet e prapambetura të javës së 28-të: Aston Villa-Sheffield United dhe Manchester City-Arsenal. Në fundjavën më pas do të zhvillohet java e 29-të me objektivin për të mbyllur sezonin brenda 1-2 gushtit.