Lamtumira e heshtur, Bonaventura në lot! Ibra e quan nr.1, gruaja sulmon Milanin (VIDEO)

3 Gusht 2020
18:22
Telesport

Giacomo Bonaventura lë Milanin në lot dhe pa mundur të përshëndes publikun që e ka mbështetur për 6 vjet. Mesfushori kuqezi, në fund të ndeshjes kundër Cagliari, ishte i fundit që la fushën e San Siro, i prekur dhe në lot.

Madje, ai ka qëndruar edhe disa momente në fushë, përpara tribunës së tifozëve Curva Sud, ultrasit, e boshatisur totalisht. Disa lot, mërzi dhe një ndarje e pashmangshme, pasi nuk bën pjesë në planet e klubit.

Ndërkohë, edhe në dhomat e zhveshjes, Bonaventura (bashkë me Biglia) është përqafuar nga shokët e ekipit, teksa nuk ka mbajtur dot emocionet e lamtumirës.

Ibrahimovic e ka quajtur madje “numri 1” në postimin e tij në Instagram, teksa bashkëshortja e futbollistit ka postuar një shprehje..

Federica Ziliani, në Instagram ishte veçanërisht e ashpër ndaj Milanit, me siguri për mendimin e saj fajtor që nuk ka dashur të rinovojë kontratën: “Mos kini frikë të humbni dikë që nuk ndihet me fat që ju ka”, imazhi që ajo ndau në rrjetet sociale , me një “Pikërisht, në fakt”…

Lajme të tjera

Lajmet e fundit