Skiatorja amerikane Mikaela Shiffrin ka shkruar sot historinë e këtij sporti. Falë triumfit arritur në garën e sllallomit gjigand, zhvilluar në pistën italiane të Kronplatz, ajo bëhet skiatorja femër me më shumë fitore në garat e Kupës së Botës. Për bukuroshen 27-vjeçare amerikane, ky është triumfi nr.83 në garat e Kupës së Botës, duke kaluar një tjetër ikonë si patrioten e saj Lindsey Vonn (82 fitore).
Thyerja e këtij rekordi ishte çështje kohe për Shiffrin, që këtë sezon ka qenë e papërmbajtshme, duke kryesuar renditjen e Kupës së Botës. Ajo zhvilloi një tjetër garë të jashtëzakonshme sot në pistën italiane, ku arriti të shkruajë me të arta emrin e saj. Ndërkohë që, shumë pranë është edhe rekordi absolut i 86 fitoreve në Kupën e Botës, që mbahet nga suedezi Ingemar Stenmark.
Në këtë garë mori pjesë edhe skiatorja shqiptare Lara Colturi, që bëri një paraqitje të shkëlqyer, duke u renditur në vendin e 17-të. Pas dy zbritjeve, Colturi dha kohën 2’04”00, ndërkohë që Shiffrin fitoi me kohën 2’00”61. Për skiatoren shqiptare një garë shumë e mirë, pasi grumbulloi 14 pikë të tjera në renditjen e përgjithshme të Kupës së Botës, ku është debutuese edhe pse vetëm 16 vjeçare.
👑 𝐐𝐮𝐞𝐞𝐧 𝐨𝐟 𝐭𝐡𝐞 𝐒𝐥𝐨𝐩𝐞𝐬 👑
Mikaela Shiffrin has surpassed Lindsey Vonn to become the woman with the most Alpine Ski World Cup wins 🐐❄️@MikaelaShiffrin | @usskiteam | @lindseyvonn pic.twitter.com/C9HsxfM8fe
— Eurosport (@eurosport) January 24, 2023
