Basketbollisti LeBron James ka dalë pozitiv me koronavirus edhe pse është vaksinuar. Lajmin e konfirmoi skuadra e Lakers, pak para ndeshjes, që shtoi se “king James” ka nisur protokollin e zakonshëm të NBA-së, duke u izoluar.
Ai do të qëndrojë pushim të paktën 10 ditë, ndërkohë që është asimptomatik. Ai nuk luajti sot në ndeshjen që Lakers fituan ndaj Sacramento (117-92). Lojtari ndodhej me skuadrën në Sacramento kur mori vesh lajmin se kishte dalë pozitiv.
LeBron është rikthyer më pas në Los Anxhelos dhe ndodhet në izolim. Ky sezon nuk ka nisur mirë për basketbollistin, që ka munguar në disa ndeshje për shkak të dëmtimeve e problemeve të ndryshme. Deri më tani ai ka humbur 12 ndeshje.
LeBron James — who the Lakers are listing in health and safety protocols — is expected to miss several games, source tells ESPN. Players with positive Covid cases must be out a minimum of 10 days.
— Adrian Wojnarowski (@wojespn) December 1, 2021
