Skuadra e Lakers ka rimarrë kreun e renditjes në Konferencën e Perëndimit, pas fitores 115-108 ndaj Cleveland. Një ndeshje e shkëlqyer e LeBron James, që realizoi 46 pikë ndaj ish-skuadrës së tij.
Fiton edhe ekipi i Brooklyn, që mundi 98-85 Miami. 6 lojtarë të Nets, përfshi titullarët, realizuan mbi 10 pikë, me Harden e Durant që shënuan nga 20 pikë secili. Humbet Philadelphia, që u mposht 119-104 nga Detroit (Wright 28 pikë). Pavarësisht humbjes, Philadelphia qëndron në krye të Konferencës së Lindjes.
Ekipi i Golden State, falë 36 pikëve të Stephen Curry fitoi 130-108 ndaj Minnesota, ndërsa Oklahoma triumfoi 125-122 ndaj Portland jashtë fushe, ndeshje ku u dalluan Shai me 24 pikë e Muscala me 23.
Për t’u theksuar se dy ndeshje të kësaj dite nuk u zhvilluan si pasojë e pandemisë.
NBA – Rezultatet e sotme
Detroit – Philadelphia, 119-104
Indiana – Toronto, 129-114
Orlando – Charlotte, 117-108
Brooklyn – Miami, 98-85
Cleveland – Lakers, 108-115
Memphis – Sacramento, e shtyrë
Dallas – Denver, 113-117
Chicago – Boston, 103-119
New Orleans – San Antonio, e shtyrë
Golden State – Minnesota, 130-108
Portland – Oklahoma, 122-125