E ardhmja e Robert Lewandowskit mbetet e panjohur. Sulmuesi polak, të cilit i skadon kontrata me Bayern Munich në qershor 2023, do të ishte gati të largohej nga klubi bavarez.
Megjithatë, sipas raportimeve të “Bild”, drejtuesit e klubit kampion të Gjermanisë e kanë kundërshtuar largimin e tij. Një fakt që ka sjellë tërbim e ish-sulmuesit të Borussia Dortmundit, i cili ka shpërthyer në dhomat e zhveshjes.
Ai e ka lejuar veten të shfryjë dufin në komunikim telefonik ndaj klubit. Pavarësisht se fliste në polonisht, dëshmitarët thonë se e dëgjuan të thoshte fjalën “Barcelona” më shumë se një herë.
Me pak fjalë, një sinjal i qartë i gatishmërisë së lojtarit për t’u transferuar te klubi blaugrana dhe manifestim i keqardhjes për vështirësitë në mbylljen e marrëveshjes për shkak të pozicionit të mbajtur nga Bayern Munich.
Ndërkohë, Lewandowski i ka përshëndetur tashmë tifozët e tij në ndeshjen e fundit të Bundesligës, e dominuar edhe një herë nga bavarezët, ndaj Wolfsburgut. Një lamtumirë që megjithatë mund të shtyhet për skadimin natyral të kontratës së tij, në fund të sezonit të ardhshëm.