Liga Unike Femra: Partizani harron të fitojë, rrezikon play off-in

2 Shkurt 2023
10:04
Telesport
back button

Ka nisur java e 8-të e sezonit të rregullt të Ligës Unike në basketboll për femra. Në pritje të sfidës Flamurtari-Tirana, e shtyrë për sot, në dy ndeshjet e tjera janë arritur rezultate interesante.

Partizani u mund 68-63 në “Asllan Rusi” nga Prishtina, në një ndeshje me rivalitet dhe emocione deri në fund. Të kuqtë kanë humbur disa ndeshje radhazi, duke humbur shkëlqimin e fillim-sezonit.

Ornela Lalaj me 18 pikë e 14 rebound ishte shënuesja më e mirë për Partizanin, por që s’mjaftuan për të evituar humbjen. Tashmë beteja për një vend në play off bëhet më e fortë, pasi të gjitha ekipet janë pranë njëra-tjetrës në renditje.

Liga Unike-Java e 8-të

Bashkimi – Penza, 78-62

Partizani – Prishtina, 63-68

Flamurtari – Tirana, 2 shkurt

Renditja: Flamurtari 13 pikë, Bashkimi 13 pikë, Prishtina 12 pikë, Partizani 12 pikë, Penza 10 pikë, Tirana 9 pikë.

Lajme të tjera

Lajmet e fundit