Milwaukee korr fitoren e dytë radhazi dhe tregon forcën ndaj Denver, duke fituar 107-99. Për miqtë mungoi Nikola Jokic, ndërkohë që Antetokounmpo realizoi 33 pikë e 14 rebound për Bucks, që ngjiten në vendin e tretë në Lindje. Humbet edhe Memphis, që u mund 122-120 nga kampionët e Golden State. Për Warriors u dallua Stephen Curry me 34 pikë.
Lakers rikthehen te fitorja, duke mundur 113-104 San Antonio. LeBron James realizoi 20 pikë e 11 asist, ndërkohë që u rikthye nga dëmtimi Davis, që e nisi ndeshjen nga stoli (21 pikë e 12 rebound). Philadelphia, falë 27 pikëve të Maxey dhe 26 pikëv e 10 rebound të Embiid mundi 137-133 Brooklyn (Irving 30 pikë), dy ekipe që janë në zonën play off në Lindje.
Në takimet e tjera luajtura sot, Portland mundi 134-124 Utah Jazz, ndeshje ku shkëlqeu Damian Lillard, autor i 60 pikëve, në një ndeshje të jashtëzakonshme. Fiton edhe Orlando, që mundi 126-120 Indiana (Banchero 23 pikë), ndërsa Toronto fitoi 113-95 në shtëpinë e Sacramento (Siakam 26 pikë e 11 rebound).
NBA – Rezultatet e sotme
Orlando – Indiana, 126-120
Philadelphia – Brooklyn, 137-133
Houston – Washington, 103-108
Milwaukee – Denver, 107-99
New Orleans – Minnesota, 102-111
Oklahoma – Atlanta, 132-137
Golden State – Memphis, 122-120
Portland – Utah Jazz, 134-124
Sacramento – Toronto, 95-113
Lakers – San Antonio, 113-104
