Ka shkaktuar shumë polemika shorti i 1/8-ave të Champions League i zhvilluar dy herë.
Megjithatë, pavarësisht se të gjitha çiftet janë ndryshuar, vetëm një ka mbetur njësoj në shortin e parë dhe në të dytin: ai i Lille që në të dy rastet e ka parë veten kundër Chelsea-t.
Një sfidë , të paktën në letër, e pashpresë për francezët, por presidenti i klubit, Olivier Letang, beson se gjithçka është e mundur.
“Do të jetë një sfidë shumë e vështirë kundër Chelsea-t, por gjithçka mund të ndodhë kur arrin në fazën me eliminim direkt”, ka thënë Letang për TMW.
“Jemi të lumtur që do të përballemi me kampionët në fuqi, të shohim se çfarë të ndodhë. Do të përgatitemi, por për momentin ndeshja me Chelsea-n është larg.
“Jemi shpallur kampionë të Francës kundër PSG-së vitin e kaluar, gjithçka është e mundur. Në ADN-në tonë është lufta, kemi një shans”.
