Locatelli: Flitet shumë, por nuk është bërë kurrë asgjë

8 Tetor 2021
18:01
Denis Hakanaj

Në prag të finales për vendin e tretë në Nations League kundër Belgjikës, Manuel Locatelli është kthyer të flasë për racizëm, pas asaj që ka ndodhur me Koulibaly të dielën e kaluar:

“Mendoj se racizmi në futboll është një temë aq delikate me të cilën duhet të përballemi menjëherë, duhet të bëjmë diçka menjëherë”, ka thënë mesfuhsori në konferencë për shtyp nga Coverciano.

“Flitet për racizëm prej shumë kohësh dhe nuk është bërë kurrë asgjë. Ne duhet të ekspozohemi si lojtarë, duhet të ekspozohen të gjitha institucionet, duhen dënuar gjestet raciste sepse është një çmenduri që të ketë akoma njerëz që të sjellin racizmin në futboll”, ka shtuar Locatelli.

“Nuk duhet të lejohen më në stadiume. Duhen marrë vendime të rëndësishme dhe drastike. Jemi lodhur të gjithë nga ky racizëm që është çmenduri”.

Lajme të tjera

Lajmet e fundit