Kroacia ka arritur të sigurojë një vend në 1/8-at e Euro 2020.
Objektivi i kombëtares ballkanase është që të përsërisë ecurinë e jashtëzakonshme të Botërorit të fundit, kur arriti deri në finale dhe u mund 4-2 nga Franca.
Mbrojtësi Dejan Lovren ka zbuluar një anekdotë në lidhje me shokun e kombëtares Marcelo Brozovic në prag të asaj ndeshje.
“Unë nuk e si ia bën. Para finales së Botërorit, ka ngrënë dy kile sallam, dy croissant dhe ka pirë coca cola. Pavarësisht nga kjo, ka vrapuar pa probleme për 15 kilometra në atë ndeshje. Kur e pyes si ia bën, ai më përgjigjet vetëm ‘sallam, sallam…'”.
Me pak fjalë, një sjellje e vështirë për t’u imituar: “Nëse do të sillesha në këtë mënyrë, nuk do ta merrja veten për katër ditë”, ka thënë Lovren për podcast-in e federatës kroate.