Champions League

Luftë në Athinë, tifozët e AEK sulmojnë tribunën e Ajax me flakadanë e bomba Molotov

Kaosi shpërtheu në shkallët e stadiumit para përballjes së vlefshme për fazën e grupeve të UEFA Champions League, mes AEK të Athinës dhe Ajaksit, në Greqi. Forcat e policisë u aktivizuan për të qetësuar situatën pasi tifozët grekë sulmuan tifozerinë e Ajax me flakadanë dhe bomba Molotov. Një foto shokuese dëshmon një tifoz të Ajax që reagon ndaj oficerëve të policisë teksa shfaqet me fytyrë të gjakosur si rezultat i dhunës së pësuar.

Ndërkohë, një tjetër foto tregon një tifoz të AEK të Athinës teksa lëshon një bombë Molotov në drejtim të tifozerisë holandeze, ndërkohë që policia thjeshtë e vëzhgon. Sipas raportimeve, mësohet se mes tifozëve miq ishin edhe tifozë të Panathinaikos, që njihen për rivalitetin e nxehtë me AEK. Një tifoz në stadium komentoi në rrjetet sociale: “Forcat special në Athinë. Tifozët e AEK sulmojnë tribunën e Ajax me fishekzjarre sepse mes tyre janë edhe tifozë të Panathinaikos”.


Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.

Më shumë nga Champions League