Sfida e së shtunës në Ligue 1, mes Paris Saint-Germain e Montpellier në Parc des Princes, është shtyrë për shkak të protestave që kanë përfshirë Parisin.
Prej ditësh në Paris kanë nisur protesta masive kundër vendimit të qeverisë për të rritur çmimin e karburantit dhe taksave të lidhura me të, në plan prej 1 janarit.
Rreth 36,000 persona dolën në protestë të shtunën e shkuar dhe Parisi është në kaos, me qindra të arrestuar deri tani, ndaj policia nuk merr përsipër aktivizimin e aktiviteve sportive në kryeqytetin francez.
Policia ka përdorur gaz lotjsellës dhe përplasjet nëpër Paris kanë qenë të dhunshme, me makina të djegura, dyqane të shkatërruara dhe statuja të masakruara, ndërsa deri tani kanë mbetur të vdekur 3 persona.
PSG u ndal në Bordeaux javën e shkuar, pas startit me 14 fitore rresht në kampionat, ndërkohë që ka 14 pikë avantazh nga Montpellier.
Skuadra e drejtuar nga Thomas Tuchel do të vizitojë Strasbourg-un të mërkurën.
https://twitter.com/PSG_English/status/1069912615323922432
Telesport është krenar që bashkëpunon me Krowd9, një aplikacion fantastik i futbollit për shqiptarët! Shkarkojeni > bit.ly/krowd9 për video me përmbledhje ndeshjesh, njoftime të menjëhershme për golat dhe të gjitha lajmet e Telesport! Krowd9 është i përdorshëm në shqip, italisht dhe anglisht.
