Java e 34-t e Kategorisë Superiore do të zhvillohet e gjitha sot teksa priten duele të forta edhe pse sytë janë në “Niko Dovana”, aty ku Teuta do të presë Partizanin dhe një barazim do të ishte ideali për djemtë e Detit për të prekur titullin kampion.
Në anën tjetër, duke mos pasur më shanse të tjera, skuadra e Ilir Dajës do të kërkojë vetëm 3 pikët.
Trajnerët Edi Martini dhe Ilir Daja kanë zgjedhur “luftëtarët” e takimit të sotëm. Kapiteni Renato Arapi rikthehet titullar në vend të Kouros. Në krahun tjetër Lucas Cardoso i ka marrë vendin Stenio Junior (i dëmtuar) në majë të sulmit.
Ndërkohë, mes ndeshjeve të tjera spikat edhe Vllaznia-Kastrioti, me shkodranët që do të tentojnë fitoren për të shpresuar deri në fund për titullin dhe, pse jo, për të blinduar një vend në Europë.
Skënderbeu pret Apoloninë e rënë nga kategoria dhe 3 pikët do të ishin jetësore për korçarët për të siguruar mbijetesën.
E fortë edhe sfida mes Tiranës dhe Laçit. Europa është objektivi dhe kështu që të dy skuadrat do të përpiqen të mos dalin me humbje nga kjo sfidë.
TEUTA-PARTIZANI
TEUTA: Frashëri, Todorovski, Hoxha, Arapi, Jackson, Aleksi, Daja, E. Vila, L. Vila, Bregu, Krasniqi. Trajner: Edi Martini.
PARTIZANI: Hoxha, Idrizaj, Bitri, Belica, Hakaj, Broja, Murataj, Hasani, Asani, Çinari, Lucas. Trajner: Ilir Daja.
SKËNDERBEU-APOLONIA
SKËNDERBEU: Rexhepi, Meksi, Dëumfour, Vitija, Sadriu, Zguro, Vangjeli, Taipi, Jean Victor, Pusi, Tereziu. Trajner: Migen Memelli.
APOLONIA: Harizaj; Asllanaj, Agyare, Sota; Zoga, Smaçi, Shanaj, Mihana, Levendi, Gjata, Vasilj. Trajner: Fabrizio Cammarata.
KUKËSI-BYLIS
KUKËSI: Xhika, Dragoshi, Bytyçi, Demiri, Kotobelli, Taipi, Limaj, Tsintsadze, Peposhi, Ibraimi, Eze. Trajner: Mirel Josa.
BYLISI: Qirko, Ymeraliaj, Stojanovic, Janku, Ndreca, Hadroj, Desancic, Lorran, Ntephe, Qardaku, Anthony. Trajner: Veljko Dovedan.